«Санкт-Петербург – Қарши» йўналишидаги 640-сонли авиарейс билан Қарши халқаро аэропортида парвозини якунлаган Барно Ўролова (барча исм-фамилиялар ўзгартирилган) белгиланган тартибда божхона назоратидан ўтказилди, деб хабар беради Давлат божхона қўмитаси ахборот хизмати.
Назорат жараёнида Барно Ўроловага тегишли Samsung SM G361H/DS қўл телефони хотирасида Ўзбекистон Республикаси ҳудудига олиб кирилиши тақиқланган 31 дона порнографик мазмундаги видеолавҳа борлиги аниқланди,
Шунингдек, Барно билан бирга парвоз қилган Сурхондарё вилояти Термиз туманида истиқомат қилувчи Асила Санаеванинг ҳам қўл юклари холислар иштирокида йўловчи божхона декларацияси асосида божхона назоратидан ўтказилганда, декларацияда кўрсатилган Alcatel 5070D маркали қўл телефони ва унга ўрнатилган хотира картасида Ўзбекистон Республикаси ҳудудига олиб кирилиши тақиқланган 72 дона порнографик мазмундаги видеолавҳа сақлаб келингани маълум бўлди.
Якунда фуқаролар Б.Ўролова ҳамда А.Санаевага нисбатан суднинг қарори асосида 449 минг 325 сўмдан жарима жазолари тайинланди. Ашёвий далил сифатида олинган қўл телефонлари нопок материаллардан тозаланиб, давлат эгалигига ўтказилди.
Изоҳ (0)