Shanxay hamkorlik tashkiloti davlatlari mintaqaviy iqtisodiy munosabatlarning yangi shakl va uslublarini qidirmoqda. Bu haqda ShHT bosh kotibi Rashid Alimov ma’lum qildi, deya xabar beradi “TASS”.
“ShHT ishtirokchilari infrastruktura, transport, kommunikatsiyalarni rivojlantirish bilan bog‘liq loyihalarga e’tibor qaratmoqda. Mintaqaviy iqtisodiy munosabatlarning yangi shakl va uslublarini qidirmoqda. Bu tuzilma a’zolarining o‘zaro to‘plangan investitsiyalari oshib borishiga xizmat qilmoqda. 2016-yilda ularning miqdori 40 milliard dollardan ortdi”, — dedi Rashid Alimov.
Bosh kotibga ko‘ra, “ShHT doirasidagi iqtisodiy munosabatlar bojxona, transport, savdo va investitsiyalar, bank ishi va moliya, qishloq xo‘jaligi, aloqa va telekommunikatsiya sohalarida tegishli vazirlik va tashkilotlarning ko‘p tomonlama mexanizmlari asosida ta’minlanmoqda”.
Izoh (0)