Hukmron Zimbabve Afrika milliy ittifoqi partiyasi prezident Robert Mugabening rafiqasi Greys Mugabeni partiyadagi lazovimini tark etishga chaqirdi. Bu haqda Herald gazetasiga tayanib, “RIA Novosti” xabar berdi.
Avvalroq, 17-noyabr kuni partiyaning hududiy muvofiqlashtiruvchi qo‘mitalarining o‘ntadan sakkiztasi Mugabeni prezidentlik lavozimini tark etishga chaqirgan edi.
Nashrning ma’lumotlariga ko‘ra, Mugabeni partiyani tark etishga partiyaning hududiy muvofiqlashtiruvchi qo‘mitalarining barchasi ishtirok etgan uchrashuvda chaqirilgan. Shuningdek, uchrashuv ishtirokchilari ishdan bo‘shatilgan vitse-prezident Emmerson Mnangagva huquqlarini qayta tiklash bo‘yicha so‘z yuritdi. Ularning ta’kidlashicha, Mnangagvaning iste’foga chiqarilishi bo‘yicha qaror markaziy qo‘mita ruxsatisiz qabul qilingan.
Bunga qadar harbiylar Zimbabve poytaxti Xararedagi telemarkaz hamda Mugabe qarorgohi ustidan nazoratni o‘z qo‘liga olgani haqida xabar berilgandi. Shahar ko‘chalarida zirhli texnikalar paydo bo‘lgan. Zimbabve yetakchisi JAR prezidenti Jeykob Zuma bilan bo‘lib o‘tgan telefon suhbatida harbiylar uni uy qamog‘ida ushlayotganini tasdiqladi.
Shuningdek, xabar berilishicha, prezidentning rafiqasi Greys Mugabe mamlakatdan qochib ketgan, ishdan bo‘shatilgan vitse-prezident Emmerson Mnangagva esa hukumatni boshqarish uchun poytaxtga qaytgan.
Izoh (0)