AQSh Afg‘onistonda 2001-yili boshlagan harbiy kampaniyasi uchun 679,8 milliard dollar sarflagan. Bu haqda, Pentagon bosh nazoratchisi vazifasini bajaruvchi Glenn Faynga asoslanib, “Kommersant” xabar bermoqda.
AQSh Mudofaa vazirligining mamlakat Kongressi tomonidan tasdiqlangan 2018-yilgi budjetida harbiy operatsiyalar uchun qo‘shimcha 64,6 milliard dollar ajratilgan bo‘lib, bu mablag‘ning 45,9 milliardi Afg‘oniston yo‘nalishida sarflanadi.
7-noyabr kuni AQSh prezidenti Donald Tramp Pentagonning 2018-yilgi budjetiga tuzatishlar kiritish iltimosi bilan kongressmenlarga murojaat qilgani ma’lum bo‘lgan edi.
Tramp KXDRga qarshi mudofaa raketa tizimlarini mustahkamlash uchun qo‘shimcha 4 milliard, Afg‘onistondagi harbiylarni ko‘paytirish uchun 1,2 milliard va AQSh harbiy kemalari ta’miri uchun 0,7 milliard ajratishni taklif qilgan.
Izoh (0)