АҚШ Афғонистонда 2001 йили бошлаган ҳарбий кампанияси учун 679,8 миллиард доллар сарфлаган. Бу ҳақда, Пентагон бош назоратчиси вазифасини бажарувчи Гленн Файнга асосланиб, «Коммерсантъ» хабар бермоқда.
АҚШ Мудофаа вазирлигининг мамлакат Конгресси томонидан тасдиқланган 2018 йилги бюджетида ҳарбий операциялар учун қўшимча 64,6 миллиард доллар ажратилган бўлиб, бу маблағнинг 45,9 миллиарди Афғонистон йўналишида сарфланади.
7 ноябрь куни АҚШ президенти Дональд Трамп Пентагоннинг 2018 йилги бюджетига тузатишлар киритиш илтимоси билан конгрессменларга мурожаат қилгани маълум бўлган эди.
Трамп КХДРга қарши мудофаа ракета тизимларини мустаҳкамлаш учун қўшимча 4 миллиард, Афғонистондаги ҳарбийларни кўпайтириш учун 1,2 миллиард ва АҚШ ҳарбий кемалари таъмири учун 0,7 миллиард ажратишни таклиф қилган.
Изоҳ (0)