Amerikalik Lidiya Klarkning Petra laqabli to‘tiqushi bor. Boshqa ko‘plab to‘tiqushlar kabi Petra ham gapirishni biladi. Shu bilan bir qatorda, to‘tiqush “aqlli yordamchi” Amazon Echo bilan gaplashishni o‘rgangan. Bu haqda Meduza xabar berdi.
Qush uydagi chiroqlarni yoqishni va o‘chirishni biladi. Taqdim etilgan videoda Petra “Aleksa, barcha chiroqlarni yoq”,— deya gapirgan. Shundan so‘ng Alexa chiroqlarni yoqqan.
Ikkinchi videoda esa Petra “vuf-vuf” deyishi bilan Alexa itning akillagan ovozini chiqargan.
Lidiya Klark qushni “aqlli kolonka” bilan gaplashishga o‘rgatishi uchun bir necha oy kerak bo‘lgan. Endi esa Petra musiqa qo‘yishni va sotib olish kerak bo‘lgan narsalar ro‘yxatini tuzishni biladi.
Izoh (0)