Ilk bor Markaziy Osiyoda Huawei innovatsiyalari kuni 14-noyabrda Qozog‘iston poytaxti Ostonada bo‘lib o‘tdi. Ushbu tadbir Huawei kompaniyasi butun dunyoda o‘tkazadigan asosiy tadbirlardan biri bo‘lib, uning asosiy maqsadi — universitetlar va sanoatning o‘zaro hamkorligini mustahkamlash, sanoatning turli tarmoqlarida raqamli transformatsiyani ilgari surishda innovatsion uslublardan foydalanish va eng yaxshi raqamli Ipak yo‘lini yaratishdan iborat.
Innovatsiyalar kunining mavzusi – “Raqamli Ipak yo‘lini tadqiq etish”. Tadbirga 150 dan ziyod sanoat elitasi, jamoat arboblari, davlat idoralari vakillari, tahlilchilar, olimlar va Yevrosiyoning 11 davlatidan OAV vakillari taklif etilgan. Muloqot uchun ochiq platforma yaratish, axborot kommunikatsion texnologiyalar bilan mamlakatlarining iqtisodiy rivojlanishi o‘rtasidagi aloqani, industrial innovatsiyalar va muvaffaqiyatli loyihalarni chuqurroq o‘rganish uchun tadbir asosiy ma’ruza, panel diskussiyalar va ko‘rgazmani o‘z ichiga oladi.
Bugun ishlab chiqarishning har bir jabhasi raqamli o‘zgarishlarni boshdan kechirmoqda. Raqamli industriyaning tezkor rivojlanishi ortidan moliya, transport, sanoat tarmoqlari, davlat loyihalari va boshqa tarmoqlarni yangilanib, hayotimiz va ishlab chiqarish modeli o‘zgaradi.
Bulutli hisoblash, katta ma’lumotlar, sun’iy idrok va buyumlar interneti kabi yangi texnologiyalar mamlakatlarning iqtisodiy o‘sishiga va tarmoqlarning raqamli transformatsiyasiga muhim ko‘mak bo‘ldi.
Huawei kompaniyasi chop etgan “Huawei tarmoq o‘zaro hamkorligining Global indeksi — 2017” (Global Connectivity Index — GCI) tadqiqotlar natijasiga muvofiq, global raqamli iqtisodiyot taraqqiyoti tezlashmoqda va 2015-yilga nisbatan GCI umumiy balli 4 punktga o‘sdi. Bu esa AKT iqtisodiy o‘sishning muhim harakatlantiruvchi kuchiga aylanayotganini ko‘rsatadi. Hisobot mualliflarining xulosasiga ko‘ra, 2017-yildan 2025-yilgacha AKT infratuzulmasiga kapital qo‘yilmalarining yiliga 10 foizga ortishi boshqa sohalarda ko‘p karralik o‘sish berishi mumkin. AKT infratuzulmasiga kiritilayotgan har bir qo‘shimcha dollar bugunning o‘zida YaIMning 3 dollarlik o‘sishi bilan o‘zini oqlashi mumkin.
Raqamli transformatsiya jarayonida birorta ham kompaniya “yakkalanib” qolmaydi, umumiy muvaffaqiyatga yetish uchun raqamli transformatsiyaning yangi ekotizimida ishtirok etish zarur. Huawei innovatsiyalari kunida raqamli transformatsiyaning chaqiriqlari va imkoniyatlari, yirik industrial loyihalar yaratish va sanoat ekotizimini shakllantirish muhokama qilinadi. Tadbirda energetika, transport, moliya, telekommunikatsiya tarmoqlarining rahbarlari ishtirok etib, o‘z tajribalari bilan o‘rtoqlashishi va raqamli transformatsiya sohasidagi siljishlar haqida so‘zlab, “Raqamli Qozog‘iston” qurilishida erishilgan yutuqlarni ko‘rsatishi kutilmoqda.
Intellektual jamiyatning mavhum kelajagini o‘rganishda iste’dodlar muhim rol o‘ynaydi. Kelajakda Huawei Markaziy Osiyo mintaqasidagi universitetlar va ilmiy-tadqiqot tashkilotlari bilan mintaqada raqamli transformatsiyani tezlashtirish uchun intellektual ko‘mak ko‘rsatish maqsadida hamkorlik o‘rnatish niyatida.
Shu bilan birga kelasi yil Huawei Qozog‘istonda ilk bor “Kelajak urug‘lari” (Seeds for the Future) global dasturini ishga tushirib, AKT industriyasi rivojlanishiga urug‘ sochadi. Ushbu loyiha universitetlar talabalariga o‘z kasbiy ko‘nikmalarini oshirish, xalqaro nigohni kengaytirishga keng imkoniyat yaratib, ularni intellektual jamiyat kelajagini harakatlantiruvchi kuni o‘rganish va tadqiq qilishga ilhomlantiradi.
Reklama huquqi asosida
Izoh (0)