Илк бор Марказий Осиёда Huawei инновациялари куни 14 ноябрда Қозоғистон пойтахти Остонада бўлиб ўтди. Ушбу тадбир Huawei компанияси бутун дунёда ўтказадиган асосий тадбирлардан бири бўлиб, унинг асосий мақсади — университетлар ва саноатнинг ўзаро ҳамкорлигини мустаҳкамлаш, саноатнинг турли тармоқларида рақамли трансформацияни илгари суришда инновацион услублардан фойдаланиш ва энг яхши рақамли Ипак йўлини яратишдан иборат.
Инновациялар кунининг мавзуси – «Рақамли Ипак йўлини тадқиқ этиш». Тадбирга 150 дан зиёд саноат элитаси, жамоат арбоблари, давлат идоралари вакиллари, таҳлилчилар, олимлар ва Евросиёнинг 11 давлатидан ОАВ вакиллари таклиф этилган. Мулоқот учун очиқ платформа яратиш, ахборот коммуникацион технологиялар билан мамлакатларининг иқтисодий ривожланиши ўртасидаги алоқани, индустриал инновациялар ва муваффақиятли лойиҳаларни чуқурроқ ўрганиш учун тадбир асосий маъруза, панел дискуссиялар ва кўргазмани ўз ичига олади.
Бугун ишлаб чиқаришнинг ҳар бир жабҳаси рақамли ўзгаришларни бошдан кечирмоқда. Рақамли индустриянинг тезкор ривожланиши ортидан молия, транспорт, саноат тармоқлари, давлат лойиҳалари ва бошқа тармоқларни янгиланиб, ҳаётимиз ва ишлаб чиқариш модели ўзгаради.
Булутли ҳисоблаш, катта маълумотлар, сунъий идрок ва буюмлар интернети каби янги технологиялар мамлакатларнинг иқтисодий ўсишига ва тармоқларнинг рақамли трансформациясига муҳим кўмак бўлди.
Huawei компанияси чоп этган «Huawei тармоқ ўзаро ҳамкорлигининг Глобал индекси — 2017» (Global Connectivity Index — GCI) тадқиқотлар натижасига мувофиқ, глобал рақамли иқтисодиёт тараққиёти тезлашмоқда ва 2015 йилга нисбатан GCI умумий балли 4 пунктга ўсди. Бу эса АКТ иқтисодий ўсишнинг муҳим ҳаракатлантирувчи кучига айланаётганини кўрсатади. Ҳисобот муаллифларининг хулосасига кўра, 2017 йилдан 2025 йилгача АКТ инфратузулмасига капитал қўйилмаларининг йилига 10 фоизга ортиши бошқа соҳаларда кўп карралик ўсиш бериши мумкин. АКТ инфратузулмасига киритилаётган ҳар бир қўшимча доллар бугуннинг ўзида ЯИМнинг 3 долларлик ўсиши билан ўзини оқлаши мумкин.
Рақамли трансформация жараёнида бирорта ҳам компания «яккаланиб» қолмайди, умумий муваффақиятга етиш учун рақамли трансформациянинг янги экотизимида иштирок этиш зарур. Huawei инновациялари кунида рақамли трансформациянинг чақириқлари ва имкониятлари, йирик индустриал лойиҳалар яратиш ва саноат экотизимини шакллантириш муҳокама қилинади. Тадбирда энергетика, транспорт, молия, телекоммуникация тармоқларининг раҳбарлари иштирок этиб, ўз тажрибалари билан ўртоқлашиши ва рақамли трансформация соҳасидаги силжишлар ҳақида сўзлаб, «Рақамли Қозоғистон» қурилишида эришилган ютуқларни кўрсатиши кутилмоқда.
Интеллектуал жамиятнинг мавҳум келажагини ўрганишда истеъдодлар муҳим рол ўйнайди. Келажакда Huawei Марказий Осиё минтақасидаги университетлар ва илмий-тадқиқот ташкилотлари билан минтақада рақамли трансформацияни тезлаштириш учун интеллектуал кўмак кўрсатиш мақсадида ҳамкорлик ўрнатиш ниятида.
Шу билан бирга келаси йил Huawei Қозоғистонда илк бор «Келажак уруғлари» (Seeds for the Future) глобал дастурини ишга тушириб, АКТ индустрияси ривожланишига уруғ сочади. Ушбу лойиҳа университетлар талабаларига ўз касбий кўникмаларини ошириш, халқаро нигоҳни кенгайтиришга кенг имконият яратиб, уларни интеллектуал жамият келажагини ҳаракатлантирувчи куни ўрганиш ва тадқиқ қилишга илҳомлантиради.
Реклама ҳуқуқи асосида
Изоҳ (0)