Tunisda telekommunikatsiya va AKT ko‘rsatkichlari bo‘yicha o‘n beshinchi WTIS simpoziumi bo‘lib o‘tmoqda. Xalqaro elektraloqa ittifoqi tashabbusi bilan tashkil etilgan anjumanda Axborot texnologiyalari va kommunikatsiyalarini rivojlantirish vazirligi xodimlaridan iborat O‘zbekiston delegatsiyasi ham ishtirok etmoqda.
WTIS forumida “Axborotlashgan jamiyat ko‘rsatkichlari” reytingi e’lon qilinib, AKTni rivojlantirish bo‘yicha 190 dan ortiq davlatda o‘tkazilgan o‘rganishlarning so‘nggi natijalari ma’lum qilinadi.
XEIning 2017-yilgi hisobotlariga ko‘ra O‘zbekiston AKTni rivojlantirish indeksida 8 o‘rin yuqoriga ko‘tarilib, 192 mamlakat orasida 95-o‘rinni egalladi. Simpoziumda O‘zbekiston AKTni jadal rivojlantirayotgan davlat sifatida taqdirlandi.
WTIS simpoziumi davlatlardagi axborot-kommunikatsiya texnologiyalarining rivojlanish holatini baholaydigan bosh xalqaro forum hisoblanadi. Joriy yilda “sun’iy intellekt”, “salmoqli ma’lumotlar”, “bulutli” texnologiyalar hamda internet-buyumlar kabi jadal rivojlanayotgan yo‘nalishlar yuzasidan taqdimotlar qilinmoqda.
Natijalar asosida Xalqaro elektraloqa ittifoqining sayyoramiz bo‘ylab zamonaviy AKT tendensiyalarni rivojlantirish bo‘yicha istiqboldagi vazifalari belgilanadi.
Izoh (0)