Hindiston fuqarosi Suyash Diksit 7-noyabr kuni Misr va Sudan o‘rtasidagi Bir-Tavil o‘lkasi qiroli deb e’lon qildi, bu yerga da’vogarlikdan ikkala mamlakat ham voz kechgan. Hudud maydoni 2060 kvadrat kilometrni tashkil qiladi. Bu haqda TJournal xabar bermoqda.
Diksit Misr harbiylari tomonidan qo‘riqlanadigan yo‘nalish bo‘yicha yurganini aytdi. Hududda terrorchilar ko‘p bo‘lgani sababli, harbiylarga ogohlantirishsiz otish buyrug‘i berilgan. Misr chegarasini kesib o‘tish uchun u harbiylardan ruxsat so‘ragan. Uni harbiy obyektlar fonida surat olmaslik hamda o‘sha kuniyoq qaytib kelish va qimmatli buyumlarini tashlab ketish sharti bilan qo‘yib yuborishgan.
Diksit o‘z qarindoshini bosh vazir va harbiy vazirlik rahbari deb e’lon qildi, o‘z otasini esa prezident etib tayinladi. Yangi qirol “xorijiy investitsiyalar va fuqarolikka kirish arizalari” uchun saytni ishga tushirdi. U shuningdek, BMTga murojaat qilmoqchi.
Hindistonlik u Bir-Tavilga kelgan birinchi odam emasligini ta’kidladi. “5—10 kishi mendan oldin ham kelganini bilaman, ammo endi bu mening yerim. Agar ular o‘lkani qaytarib olmoqchi bo‘lsa, u holda biz urush qilamiz (Starbucks’da bir finjon qahva ustida)”, — deb yozdi u.
Izoh (0)