Тунисда телекоммуникация ва АКТ кўрсаткичлари бўйича ўн бешинчи WTIS симпозиуми бўлиб ўтмоқда. Халқаро электралоқа иттифоқи ташаббуси билан ташкил этилган анжуманда Ахборот технологиялари ва коммуникацияларини ривожлантириш вазирлиги ходимларидан иборат Ўзбекистон делегацияси ҳам иштирок этмоқда.
WTIS форумида «Ахборотлашган жамият кўрсаткичлари» рейтинги эълон қилиниб, АКТни ривожлантириш бўйича 190 дан ортиқ давлатда ўтказилган ўрганишларнинг сўнгги натижалари маълум қилинади.
XЭИнинг 2017 йилги ҳисоботларига кўра Ўзбекистон АКТни ривожлантириш индексида 8 ўрин юқорига кўтарилиб, 192 мамлакат орасида 95-ўринни эгаллади. Симпозиумда Ўзбекистон АКТни жадал ривожлантираётган давлат сифатида тақдирланди.
WTIS симпозиуми давлатлардаги ахборот-коммуникация технологияларининг ривожланиш ҳолатини баҳолайдиган бош халқаро форум ҳисобланади. Жорий йилда «сунъий интеллект», «салмоқли маълумотлар», «булутли» технологиялар ҳамда интернет-буюмлар каби жадал ривожланаётган йўналишлар юзасидан тақдимотлар қилинмоқда.
Натижалар асосида Халқаро электралоқа иттифоқининг сайёрамиз бўйлаб замонавий АКТ тенденцияларни ривожлантириш бўйича истиқболдаги вазифалари белгиланади.
Изоҳ (0)