Gitara chalishni o‘rganish uchun 5 sabab

Gitara chalish hayotingizning bir yo‘la bir nechta sohalarini yaxshilashga yordam beradi.

Gitara chalish xotirani va diqqatni jamlashni yaxshilaydi

Ohangni eslab qolish miyaning ba’zi sohalarini qo‘zg‘atadi, bu esa bilim va mushak xotirasiga ta’sir ko‘rsatadi. Malakani charxlash jarayoni xuddi shaxmat o‘yini singari diqqatni bir joyga to‘plashni yaxshilaydi.

Gitara bir vaqtning o‘zida ko‘p vazifalarni bajarishga o‘rgatadi

Gitara, barabanlar yoki fortepiano bir vaqtda ko‘p vazifani bajara olish qobiliyatini yaxshilaydi. Gitara chalishda o‘zingizni birdaniga bir nechta jismoniy harakatlarga moslashtirishingiz zarur bo‘ladi: — tabulaturani o‘qish, — akkordni olish, — qaysi torlar qaysi notaga to‘g‘ri kelishi haqida o‘ylash, — keyin nima kelishini o‘qish — ayni vaqtda tarqalayotgan tovushlarni eshitish va tahlil qilish, — ritmni ushlash.

Musiqa bilan shug‘ullanish matematikaga bo‘lgan qobiliyatni rivojlantiradi

Musiqa nazariyasi matematik tushunchalarga asoslangan. Gamma va akkordlar — sizning tenglamalaringiz. Demak, bir nechta akkordlarni yodlash bilan, siz mantiqiy fikrlashni ham rivojlantirishingiz mumkin.

Tabulaturani o‘qish esa nimasi bilandir yangi tilni o‘rganishga o‘xshab ketadi, demak matnni tushunish malakasi ham yaxshilanadi.

Gitara chalish ruhiyat uchun foydali

Gitara chalish terapevtik afzallikka ega: taranglikni, stress va salbiy hissiyotlarni yo‘qotadi, ijodkorlik esa — halokatli energiyani chiqarib yuborishning eng yaxshi yo‘li.

Gitara chalish salomatlikni yaxshilaydi

Gitara chalish mushaklarning ishiga yaxshi ta’sir ko‘rsatadi: qo‘llar va bilaklar kuchliroq bo‘ladi. Garvard salomatlik markazida o‘tkazilgan tadqiqotlarda musiqaning bemorlar qon bosimiga ijobiy ta’siri va xavotirlikni kamaytirishi aniqlandi.

Manba: “Layfxaker”