Qo‘shma Shtatlar o‘z hududiga IShID guruhi suqilib kirishiga yo‘l qo‘ymasligi zarur. Bu haqda Nyu-Yorkda ro‘y bergan teraktdan so‘ng AQSh prezidenti Donald Tramp ma’lum qildi, deya xabar beradi “Gazeta.ru”.
“Biz Yaqin Sharq va boshqa hamma yerda mag‘lubiyatga uchratganimizdan so‘ng IShID mamlakatimizga qaytishi yoki suqilib kirishiga yo‘l qo‘ymasligimiz zarur. Yetar, bas!” — deya yozuv qoldirdi Tramp Twitter’dagi sahifasida.
Shuningdek, AQSh prezidenti mazkur hujum oqibatida halok bo‘lganlar oilasiga hamdardlik bildirdi.
Eslatib o‘tamiz, 31-oktabr, seshanba kuni Manxettenda yuk mashinasini boshqargan shaxs odamlarni qasddan urib yuborishi oqibatida 8 kishi halok bo‘ldi, 11 kishi jarohatlandi.
Uni sodir etishda o‘zbekistonlik Sayfullo Saipov gumon qilinmoqda.
Izoh (0)