Buyuk Britaniya shahzodasi Garri va uning suyuklisi, amerikalik aktrisa Megan Markl uzoq qarindosh bo‘lib chiqdi. Qizning ajdodlaridan biri bo‘lgan Ralf Bouz ismli kishi Darem grafligining oliy darajali sherifi bo‘lgan. Yelizaveta II ning nabirasi ham uning avlodlaridan biri hisoblanadi. Bu haqda Daily Mail’ga tayanib, “Korrespondent.net” xabar berdi.
Xabar qilinishicha, Ralf Bouz XV asrda yashagan. Uning nabirasi turmushga chiqqan va Xassi familiyasini olgan. O‘z navbatida, uning nabirasi Kristofer Xassi Amerikaga ketgan. Markl ota tarafdan Xassining avlodi hisoblanadi.
Bouzning nabirasi Angliyada qolgan va u yerda parlament a’zosi bo‘lgan. 1767-yilda uning qizi Stratmor va Kingxorn grafi Jon Layonga turmushga chiqqan.
Besh avloddan so‘ng Yelizabet Bouz-Layon qirol Georg VI ga turmushga chiqqan. Uning katta qizi shahzoda Garrining buvisi — qirolicha Yelizaveta II hisoblanadi.
Izoh (0)