Қўшма Штатлар ўз ҳудудига ИШИД гуруҳи суқилиб киришига йўл қўймаслиги зарур. Бу ҳақда Нью-Йоркда рўй берган терактдан сўнг АҚШ президенти Дональд Трамп маълум қилди, дея хабар беради «Газета.ru».
«Биз Яқин Шарқ ва бошқа ҳамма ерда мағлубиятга учратганимиздан сўнг ИШИД мамлакатимизга қайтиши ёки суқилиб киришига йўл қўймаслигимиз зарур. Етар, бас!» — дея ёзув қолдирди Трамп Twitter’даги саҳифасида.
Шунингдек, АҚШ президенти мазкур ҳужум оқибатида ҳалок бўлганлар оиласига ҳамдардлик билдирди.
Эслатиб ўтамиз, 31 октябрь, сешанба куни Манхэттенда юк машинасини бошқарган шахс одамларни қасддан уриб юбориши оқибатида 8 киши ҳалок бўлди, 11 киши жароҳатланди.
Уни содир этишда ўзбекистонлик Сайфулло Саипов гумон қилинмоқда.
Изоҳ (0)