Navoiy kon-metallurgiya kombinati tasarrufidagi yong‘in xavfsizligi qismlarining moddiy-texnika bazasi mustahkamlanmoqda. Bu haqda NKMK matbuot xizmati ma’lum qildi.
Jumladan, yil boshidan buyon 5-kon boshqarmasi yong‘in xavfsizligi bo‘limi, Zarafshon shahridagi 2, Uchquduq tumanidagi 6- harbiylashtirilgan yong‘in xavfsizligi qismlariga Isuzu rusumli yong‘in o‘chirish avtomobillari berildi.
Yaqinda JV MAN Avto Uzbekistan korxonasida ishlab chiqarilgan, qiymati 1,3 milliard so‘m bo‘lgan eng zamonaviy MAN avtomobili Markaziy kon boshqarmasi obyektlarini yong‘indan muhofaza qiluvchi yong‘in xavfsizligi bo‘limiga topshirilib, hisobga qo‘yildi.
Yangi texnika vositasi qator qulayliklarga ega. Unda 4 ming litr suv sig‘imi hamda 400 litr ko‘pik hosil qiluvchi suyuqlik bilan to‘ldirilgan sig‘im mavjud bo‘lib, avtomobilning maxsus yong‘in o‘chirish dastagi suvni 50-60 metr masofagacha sepa oladi. Mazkur avtomobil yong‘in va favqulodda holatlar sodir bo‘lgan manzilga shaxsiy tarkib bilan birga yong‘inni o‘chirish aslahalarini ham olib yurishga mo‘ljallangan.
Izoh (0)