AQSh Kongressi vakillar palatasining razvedka qo‘mitasi prezident Donald Trampni obro‘sizlantiruvchi ma’lumotlar to‘plagan Fusion GPS firmasining bank hujjatlari bilan tanishish imkoniga ega bo‘ldi. Bu haqda qo‘mita saytida ma’lum qilindi, deb xabar beradi “Gazeta.ru”.
“Tomonlar Fusion GPS bank ma’lumotlari bilan tanishish masalasida kelishuvga erishdi. Bu qo‘mita tekshiruv uchun zarur hujjatlarga ega bo‘lishini ta’minlaydi”, — deyiladi qo‘mita xabarida.
Eslatib o‘tamiz, Trampning Rossiya bilan aloqalari to‘g‘risida ma’lumotlar to‘plagan Fusion GPS firmasini moliyalashtirish Klinton saylovoldi shtabi bilan bog‘liq Perkins Coie yuridik firmasi orqali amalga oshirildi. OAV Klinton shtabi Perkins Coie’ga 5,6 million, milliy demokratik qo‘mita esa 3,6 million dollar to‘laganini da’vo qilmoqda.
Izoh (0)