AQSh mudofaa vaziri Jeyms Mettis janubiy koreyalik hamkasbi Son Yon Mu bilan muzokaralar natijalariga ko‘ra, noqonuniy ballistik raketalar uchirilishi va yadro sinovlari o‘tkazilishi tufayli, KXDR tomonidan xavf kuchayganini aytdi. Bu haqda AQSh harbiy muassasasi saytida xabar berildi.
Uning ta’kidlashicha, xavf zonasiga Shimoliy Koreyaning qo‘shnilari ham, boshqa mamlakatlar ham kiradi.
Shuningdek, Mettis Shimoliy Koreya muammosini hal qilishning eng maqbul usuli harbiy ko‘mak bilan olib boriladigan diplomatiya ekanligini aytdi. Shu bilan birga, Vashingtonda inqirozni hal qilishning qator harbiy variantlari bor.
Pentagon rahbari Pxenyanni yana bir bora AQSh va uning ittifoqdoshlariga hujum qilish oqibatlari haqida ogohlantirdi. “Shimoliy Koreyaning yadroviy qurol qo‘llash bilan bog‘liq har qanday harakati samarali va yanchib tashlovchi yopirilma javob bilan kutib olinadi”, — deya ta’kidladi Mettis.
Izoh (0)