O‘zbekiston Prezidenti Shavkat Mirziyoyevning 2017 yil, 17-oktabrdagi farmoniga muvofiq “O‘zpaxtasanoateksport” xolding kompaniyasi tugatiladi. Bu haqda “Gazeta.uz” xabar bermoqda.
Hujjatda qayd etilishicha, farmon paxta tozalash va yog‘-moy sanoati korxonalarini boshqarish tizimini yanada optimallashtirish va takomillashtirish maqsadida qabul qilindi.
Farmon bilan bosh vazir o‘rinbosari, qishloq va suv xo‘jaligi vaziri Zoyir Mirzayev boshchiligida komissiya tashkil etiladi. Ushbu komissiyaga soha korxonalarini boshqarishni tashkil etish bo‘yicha takliflarni tayyorlashi vazifasi yuklatilgan.
Eslatib o‘tamiz, “O‘zpaxtasanoateksport” xolding kompaniyasi 2015-yil 27-oktabrda “O‘zpaxtasanoat”, “O‘zpaxtaeksport” va “O‘zpaxtayog‘” aksiyadorlik jamiyatlari birlashishi natijasida tashkil etilgan edi.
Izoh (0)