Ўзбекистон Президенти Шавкат Мирзиёевнинг 2017 йил, 17 октябрдаги фармонига мувофиқ «Ўзпахтасаноатэкспорт» холдинг компанияси тугатилади. Бу ҳақда «Газета.uz» хабар бермоқда.
Ҳужжатда қайд этилишича, фармон пахта тозалаш ва ёғ-мой саноати корхоналарини бошқариш тизимини янада оптималлаштириш ва такомиллаштириш мақсадида қабул қилинди.
Фармон билан бош вазир ўринбосари, қишлоқ ва сув хўжалиги вазири Зойир Мирзаев бошчилигида комиссия ташкил этилади. Ушбу комиссияга соҳа корхоналарини бошқаришни ташкил этиш бўйича таклифларни тайёрлаши вазифаси юклатилган.
Эслатиб ўтамиз, «Ўзпахтасаноатэкспорт» холдинг компанияси 2015 йил 27 октябрда «Ўзпахтасаноат», «Ўзпахтаэкспорт» ва «Ўзпахтаёғ» акциядорлик жамиятлари бирлашиши натижасида ташкил этилган эди.
Изоҳ (0)