27—30-noyabr kunlari PROlogue – yosh kinoijodkorlar tomonidan suratga olingan qisqa metrajli filmlar III Respublika festivali bo‘lib o‘tadi. Bu haqda festival tashkilotchilari “Daryo”ga ma’lum qildi.
Festival O‘zbekiston Yoshlar ittifoqi, “O‘zbekkino” milliy agentligi hamda Yosh kinoijodkorlar kengashi tomonidan tashkil etiladi.
Bu yilgi festival dasturi yangi kinoloyihalar pitchingi, rejissura, operatorlik ishi hamda dramaturgiya sohalari bo‘yicha mahorat darslari, Oliy va o‘rta maxsus ta’lim muassasalari, ilmiy-tadqiqot instituti rahbarlari ishtirokida davra suhbatini qamrab olgani bilan avvalgi yilgilaridan farq qiladi.
Shuningdek, bu yil PROlogue’da “Yilning eng yaxshi aktyori” hamda “Yilning eng yaxshi aktrisasi” ham taqdirlanadi.
Festivalda ishtirok etish uchun arizalar shu yilning 31-oktabrigacha Yosh kinoijodkorlar kengashi tomonidan qabul qilinadi.
Izoh (0)