O‘zbekiston Prezidenti Shavkat Mirziyoyev “To‘qimachilik sanoati xomashyo bazasini diversifikatsiya qilish bo‘yicha qo‘shimcha choralar to‘g‘risida”gi qarorni qabul qildi. Bu haqda Norma xabar bermoqda.
Hujjatga ko‘ra, “Namangan sharbati” qo‘shma korxonasi 2018-yildan boshlab 10 ming tonna poliefir tola, 10 ming tonna poliefir ip, 20 million pogon-metr aralash mato, 7 ming tonna aralash polotno va 6 million dona tayyor aralash to‘qimachilik mahsuloti ishlab chiqarish bo‘yicha quvvatlarni foydalanishga topshirishi ko‘zda tutilmoqda.
Umumiy qiymati 92 million dollar bo‘lgan mazkur loyihani moliyalashtirish qo‘shma korxona (30 million dollar) hamda O‘zbekiston tiklanish va taraqqiyot fondi (62 million dollar) mablag‘lari hisobiga amalga oshiriladi.
“Namangan sharbati” MChJga 2022-yilga qadar soliq va bojxona imtiyozlari qo‘llanadi.
Izoh (0)