“Jabhat an-Nusra” guruhi yetakchisi Abu Muhammad al-Jo‘loniy Rossiya harbiy-koinot kuchlari zarbasidan so‘ng komaga tushib qoldi. Bu haqda Rossiya mudofaa vazirligi rasmiy vakili Igor Konashenkov ma’lum qildi, deya xabar beradi “Gazeta.ru”.
“Rossiya HKK tomonidan ‘Jabhat an-Nusra’ qo‘mondonligining yo‘q qilinishi va uning yetakchisi Abu Muhammad al-Jo‘loniyning komaga tushgani butun Idlib viloyati bo‘ylab terrorchilarni sarosimaga solib qo‘ydi”, — dedi Konashenkov.
Shuningdek, aviazarba oqibatida 49 jangari, jumladan, “sharqiy sektor” tuzilmalarining 7 nafar yetakchisi o‘ldirildi.
Eslatib o‘tamiz, oldinroq Rossiya mudofaa vazirligi al-Jo‘loniy snaryad parchalaridan ko‘plab jarohat olgani, qo‘lidan ajralgani va og‘ir holatda bo‘lib turganini bildirgandi.
Izoh (0)