Daniyalik ixtirochi, “Nautilius” suvosti kemasi yaratuvchisi Peter Madsenning kompyuterida ayollarning boshi tanasidan judo qilayotgani aks etgan video aniqlandi. Qurbonlar bu payt tirik bo‘lgan, deya xabar beradi Meduza.
Videoyozuv Madsendan musodara etilgan kompyuter qattiq diskida topildi. Unda kimlar tasvirlanganiga aniqlik kiritilmadi.
Peter Madsen o‘zi bilan suvosti kemasida dengizga chiqqan shved jurnalisti Kim Vallni o‘ldirganlikda gumon qilinmoqda. Madsen Vall baxtsiz tasodif tufayli halok bo‘lgani, u qo‘rqib ketib, jasadni dengizga tashlab yuborganini ma’lum qildi.
Jurnalist ayolning boshi tanasidan judo etilgan jasadi Vall “Nautilius”dan qaytmaganidan ikki hafta o‘tib topildi.
Izoh (0)