Suriyaning 90 foizi terrorchilardan ozod etildi. Bu haqda MDH Aksilterror markazi rahbari general-polkovnik Andrey Novikov ma’lum qildi, deya xabar beradi “Gazeta.ru”.
“Harbiylarning hisob-kitobiga ko‘ra, bugungi kunga kelib Suriya hududining 90 foizi terrorchi tuzilmalardan ozod qilindi. Bu o‘ta muhim ijobiy natija hisoblanadi”, — dedi Andrey Novikov.
Eslatib o‘tamiz, oldinroq Rossiya mudofaa vazirligi “Jabhat an-Nusra” guruhining 50 ga yaqin jangarisi o‘ldirilgani, guruh yetakchisi Abu Muhammad al-Jo‘loniy og‘ir yaralanganini ma’lum qilgandi.
Izoh (0)