Toshkent shahri Chilonzor tumanida joylashgan kollejlarning birida tahsil oladigan Anvar tanishi Guliga telegram messenjeri orqali o‘zaro suhbati davomida o‘zida giyohvandlik moddasi borligini aytib, uni tayyorlash jarayonlarini ham yaxshi bilishini, xohlasa unga ham o‘rgatishini aytadi, deb yozadi “O‘zbekiston 24”.
Ertasi kuni oq qog‘ozga o‘ralgan kichik hajmda keltirilgan ushbu giyohvandlik moddasini Guliga kollej hududiga olib kelib beradi.O‘quv maskanida faoliyat olib borayotgan Yoshlar ittifoqi yetakchisi Gulining o‘zini tutishi va xatti-harakatlarida o‘zgarishlar borligini sezib, ko‘pdan beri uni nazoratga olgan edi. Shubhali holat haqida Chilonzor tumani IIB Huquqbuzarliklar profilaktikasi bo‘limi xodimlariga murojat qilib xabar beradi. Aniqlik kiritish maqsadida inspektor kollejga borib, Guli bilan suhbatlashadi. Buyumlari guvohlar ishtirokida tekshirilganda Guli o‘zi bilan giyohvandlik moddasini olib yurganligi ma’lum bo‘ladi. Ushbu modda tegishli tartibda rasmiylashtirilib olinadi.
Dastlabki surishtiruv ishlarida Guli ushbu moddani Anvardan olganligini aytadi. Anvar ham tergov ishlariga jalb qilinadi. Hozirgi kunda dastlabki tergov harakatlari olib borilmoqda.
Shuningdek, Olmazor tumanida joylashgan “Shifobaxsh suvlar” blok postida xizmat olib borayotgan yo‘l patrul xizmati xodimlari tomonidan Toshkent shahri xududiga kirib kelayotgan Spark avtamobili to‘xtatilib belgilangan tartibda tekshiriladi. Yo‘lovchi sifatida ketayotgan kollej o‘quvchisining buyumlari tekshirilganda, maxsus idishdagi suyuqlik ularning e’tiborini tortadi. Ushbu suyuqlik guvohlar ishtirokida rasmiylashtirilib olinadi. Ekspertiza xulosasiga ko‘ra, ushbu suyuqlik tarkibida kanabis moyi borligi aniqlandi. Hozirda har ikki holat yuzasidan tergov harakatlari olib borilmoqda.
Izoh (0)