Ayrim shaxslar jinoyat haqida yolg‘on xabar berib, ichki ishlar xodimlarini sodir etilmagan jinoyatni fosh etilishi uchun barcha kuch va vositalarni, vaqtini behudaga sarflashiga majbur qilmoqda, deb xabar beradi “O‘zbekiston 24”.
Ana shunday holatlardan biri Sergeli tumanida sodir bo‘ldi. Otashev Doston va Latipov Jobirlar Sergeli tuman IIBga ariza bilan murojaat qilib o‘z arizasida ularga nisbatan bosqinchilik jinoyati sodir etib, pochta sifatida Berdiyev Azamatdan olgan 10 400 AQSh dollari miqdoridagi mablag‘larni noma’lum shaxslar olib ketganligi haqida xabar beradi. Holat yuzasidan zudlik bilan barcha shaxsiy tarkib ushbu jinoyatni sodir etgan noma’lum shaxslarni ushlashga jalb etiladi.
Dastlabki surishtiruv ishlari davomida jabrlanuvchi Otashev Doston va Latipov Jobirlarning ko‘rsatmalari bir-biriga to‘g‘ri kelmayotgani xodimlarda shubha uyg‘otdi. Surishtiruv ishlari davomida ma’lum bo‘lishicha, ushbu ikki shaxs birovning pullariga ega chiqish maqsadida ushbu jinoyat haqida yolg‘on xabar bergan va atrofdagilarni bu jinoyatga ishontirish uchun o‘zlarga tegishli bo‘lgan Isuzu yuk avtomashinasining oynasini tosh bilan urib sindirgan. Dalillar ham soxtalashtirilgan.
“Bu ikki fuqaro ichki ishlar xodimlariga yolg‘on xabar berganligi uchun qonun oldida tegishli tartibda javob beradi”, — deyiladi xabarda.
Izoh (0)