Toshkent shahrida 2018-yildan boshlab 9, 12, 14 va 16 qavatli monolit uylar qurilishi rejalashtirilmoqda. Bu haqda Toshkent shahar hokimligida bo‘lib o‘tgan matbuot anjumanida shahar arxitektura va qurilish bosh boshqarmasi boshlig‘i o‘rinbosari Asomiddin Tojiyev ma’lum qildi.
“Keyingi yildan boshlab poytaxtda 9, 12, 14 va 16 qavatli monolit uylar qurish boshlanadi. Sergelida 5 va 7 qavatli uylarni qurish biz uchun sinov maydoni bo‘ldi. Birinchidan, biz quruvchilarni tekshirib oldik va qaysi quruvchining salohiyati qay darajada ekanligini o‘rgandik. Qurilish materiallaridan muammo yo‘q. Davlat tomonidan barcha qurilish materiallari o‘z vaqtida yetkazib beriladi. Ishchi kuchi ham yetarli”, — deydi shahar arxitektura va qurilish bosh boshqarmasi boshlig‘i o‘rinbosari.
Izoh (0)