Каталонияда полиция 1 октябрда ўтказилиши режалаштирилган мустақиллик бўйича ҳақидаги референдумда сайлов участкаси вазифасини ўташи керак бўлган 1300 та мактабни ёпди. Бу ҳақда, Испания ҳукуматининг расмий вакили Энрике Меллонинг сўзларига асосланиб, «РИА Новости» хабар бермоқда.
Аввалроқ Каталония ҳукумати томонидан 1 октябрь, якшанба куни 2315 та сайлов участкалари очиқ бўлиши ва улар 9:00 дан 20:00 гача ишлашини маълум қилинган эди.
Сайловчиларнинг умумий рўйхатида 5343358 нафар сайловчи қайд этилган.
«2315 та мактабдан 1300 таси полиция томонидан ёпилди. Улардан 163 тасида ҳали спорт ва бошқа тўгаракларга қатнайдиган кишилар бор. Улар 1 октябрь, соат 6:00 гача бино бўшатилиши кераклиги ҳақида огоҳлантирилди», — дейди ҳукумат вакили.
У «ёпиқ» тушунчасига аниқлик киритар экан, бу жумла полиция томонидан кириш тақиқланган биноларга муҳр босилганини англатишини айтиб ўтди.
Изоҳ (0)