Бундестагга сайловларнинг дастлабки натижалари: ўта ўнгчилар 13 фоиз овоз олди

Ўта ўнг кайфиятдаги «Германия учун муқобил йўл» партияси Бундестагга сайловларда 13 фоиз овоз олди. Германиядаги парламент сайловларининг экзит-полл натижалари шундай, деб ёзади Meduza.

Ҳукмрон ХДИ/ХСИ блоки 33,5 фоиз, Германия Социал-демократик партияси (ГСДП) эса 21 фоиз овоз олди. «Эркин демократлар»га 10 фоиз, «Сўллар» ва «Яшиллар»га 9 фоиздан овозни қўлга киритган.

+++EIL+++ Union gewinnt die Wahl, deutliche Verluste für die
SPD, AfD drittstärkste Kraft. #btw17 pic.twitter.com/nO1ERRDlyE

— ZDFheute (@ZDFheute) September 24, 2017

Экзит-полл натижалари эълон қилинганидан сўнг, социал-демократлар (ГСДП) ХДИ/ХСИ блоки билан янги коалиция ташкил этишдан бош тортишини эълон қилди.

Сайлов участкаларидан олинган дастлабки маълумотлар эса экзит-полл натижаларидан бирозгина фарқ қилмоқда.

Маълумот учун, Германиянинг амалдаги ҳукумати ХДИ/ХСИ ва ГСДП коалицияси томонидан шакллантирилган. 2013 йили ўтган сайловлар якунига кўра, ушбу коалиция 630 мандатдан 502 тасини қўлга киритиб, Ангела Меркелни канцлер лавозимига қайта сайлаган эди.