Iroq Kurdistoni mustaqilligi masalasida o‘tkazilayotgan onlayn ovoz berish jarayonida birinchi bo‘lib Xitoyda istiqomat qiluvchi kurd tadbirkor ovoz berdi. Bu haqda “Gazeta.ru” xabar bermoqda.
Kurdiston Oliy mustaqil saylov komissiyasidan ma’lum qilishlaricha, mazkur onlayn ovoz berish jarayoni Iroq Kurdistoni yoki “Kurdistondan tashqaridagi kurd hududlari” rezidenti maqomiga ega va ayni vaqtda xorijda bo‘lib turgan Iroq fuqarolari uchun mo‘ljallangan.
Birinchi ovoz Xitoyning Chjetszyan viloyati, Iu shahridan kelgan. Ovoz 15 yildan beri Xitoyda istiqomat qiluvchi asli kurd biznesmen — Sabor Haydar Bozor tomonidan berilgan.
Izoh (0)