O‘zbekistonning Qozog‘istondagi Favqulodda va muxtor elchisi Ikrom Nazarov 15-fevral kuni diplomatik missiyasini yakunlaydi. Bu haqda “Kazinform” xabar bermoqda.
Elchi missiyasi davomidagi hamkorlik, qo‘llab-quvvatlash minnatdorlik izhor etib, ikki davlat o‘rtasidagi samimiy va do‘stona munosabatlar bundan keyin yanada rivojlanishiga ishonch bildirdi.
Ikrom Nazarov ushbu lavozimga 2016-yil yanvar oyida tayinlangandi.
O‘zbekistonning Tojikistondagi Favqulodda va muxtor elchisi Shoqosim Shoislomov ham diplomatik missiyasi yakunlagani munosabati bilan ushbu davlat tashqi ishlar vaziri Sirojidin Aslov bilan uchrashdi. S. Aslov elchiga uzoq vaqt davom etgan professional faoliyati uchun minnatdorlik bildirdi.
Ma’lumot uchun, Shoqosim Shoislomov 2004-yildan buyon O‘zbekistonning Tojikistondagi diplomatik vakolatxonasiga rahbarlik qilib kelayotgandi.
Izoh (0)