O‘zbekiston Prezidenti Shavkat Mirziyoyev oktabrda davlat tashrifi bilan Turkiyaga boradi, deb yozadi “1news.uz”.
O‘zbekiston Tashqi ishlar vaziri Abdulaziz Komilov ma’lum qilishicha, ushbu masala 10-sentabr kuni O‘zbkiston Prezidenti Shavkat Mirziyoyevning Ostonadagi Ilm-fan va texnologiyalar bo‘yicha islom hamkorlik tashkiloti sammiti doirasida Turkiya prezidenti Rajab Toyyib Erdo‘g‘on bilan uchrashuvi chog‘ida ko‘rib chiqilgan.
“Tashrif doirasida savdo-iqtisodiy, investitsion, sayyohlik va boshqa sohalar bo‘yicha qator bitimlar imzolanishi kutilmoqda. Turkiya ishbilarmon doiralari O‘zbekistonda yirik investitsiyaviy loyihalarni boshlamoqchi”, — dedi Komilov.
Izoh (0)