1967-yili To‘rtko‘l tumanida tavallud topgan, tumandagi “Do‘stlik” MFY hududida yashovchi, 4 farzandning onasi, nabirali Djumaklicheva Gavkar Saburovna oldin Jinoyat Kodeksining ayrim moddalarida nazarda tutilgan jinoyatlarni amalga oshirganlikda ayblanib, sud hukmi bilan 2 marta ozodlikdan mahrum qilish jazosi tayinlangan, deb yozadi “KRuz.uz” “Yerkin Qaraqalpaqstan” nashriga tayanib.
Ushbu ayolga nisbatan ikki marta amnistiya aktlari qo‘llanilgan. Biroq bu narsa unga saboq bo‘lmagan.
G.Djumaklicheva dastlabki tergov davrida aniq sanasini va kimligini aniqlash imkoniyati bo‘lmagan shaxsdan keyinroq boshqalarga sotish yo‘li bilan o‘tkazib, foyda ko‘rish maqsadini ko‘zlagan holda geroin narkotik moddasini olib, yashirib qo‘yadi.
Sudlanuvchi G.Djumaklicheva sud majlisida aybini tan olib, shu yil 21-yanvar kuni soat 10:00 larda tanishi Sapardurdining telefon qilganligini va ko‘p kechikmay uning kelganini aytadi.
To‘rtko‘l tumani “Paxtachi” OFYda yashovchi, 1974-yili tug‘ilgan Sapardurdi Muhammedovga shu tumandagi “Beruniy” MFY hudidda yashovchi, 1977-yili tug‘ilgan Aybek Qurbanbayev “geroin kerak, topib bera olasanmi?” deb so‘raganida Sapardurdi “topib beraman” deb, G.Djumaklichevaga qo‘ng‘iroq qiladi.
Jinoyat ishlari bo‘yicha Beruniy tumani sudida ularning jinoiy harakatlari qonun doirasida ko‘rib chiqilib, uzoq yillarga ozodlikdan mahrum qilish jazosi tayinlandi.
Izoh (0)