Qirg‘iz va o‘zbek oshpazlari ikki xalq o‘rtasidagi do‘stlikni yanada mustahkamlashga qo‘ldan kelgancha o‘z hissasini qo‘shadi

Qirg‘iz va o‘zbek oshpazlari ikki qo‘shni va qardosh xalqlar o‘rtasidagi xalq diplomatiyasini yanada mustahkamlashga qo‘ldan kelgancha o‘z hissasini qo‘shadi. Bu haqda Qirg‘iziston Oshpazlar uyushmasi raisi Shuhrat Sharipov ma’lum qildi, deb yozadi “Kabar” axborot agentligi.

“‘O‘zbegim’ birinchi xalq an’analari xalqaro festivali doirasida Ginnesning Rekordlar kitobiga kirgan megapalov tayyorlanishi jarayonini katta qiziqish bilan kuzatdik. Biz o‘zbekistonlik hamkasblarimiz yutug‘idan xursandmiz va ularga pazandalik sohasida muvaffaqiyatlar tilab qolamiz”, — dedi u.

Qirg‘iz va o‘zbek oshpazlarining bundan keyingi hamkorliklari borasidagi rejalar haqida gapirar ekan, Sharipov shu yilning avgustida O‘shda andijonlik hamkasblar ishtirokida palov festivali o‘tkazilganini aytdi. “Endi oktabrda Andijonda javob festivali bo‘lib o‘tadi, unda qirg‘iz oshpazlar o‘zbek hamkasblari bilan palov pishirish bo‘yicha bellashadi”, — dedi u.