Favqulodda holatlarga qarshi mashinada turishi kerak bo‘lgan zarur buyumlar (foto)

Reviewed nashri avtomobilni boshqarib ketayotganda yuzaga kelishi mumkin bo‘lgan favqulodda vaziyatlarda yordami tegadigan qurilmalar haqida ma’lumot to‘plab taqdim etdi, deb xabar berdi Forum Daily.

To‘qnashuvlarning oldini olishga mo‘ljallangan yorug‘lik signallari

EL2639 LED svetodiodlari mashinangiz yo‘lda buzilib qolganida xavfsiz hudud hosil qilishda yordam beradi. Ular juda yorqin, mustahkam va suv o‘tkazmaydi. Uchta AAA batareyalari yordamida 38 soat ishlay oladi.

Qo‘l kesilishini oldini oluvchi qo‘lqoplar

Mechanic Original CR5A3 Cut Resistant Gloves qo‘lqoplari juda mustahkam bo‘lib, qo‘lni o‘tkir tig‘li narslalardan himoya qilish bilan birga barmoqlarning harakatiga to‘sqinlik ko‘rsatmaydi.

Boshga o‘rnatish mumkin bo‘lgan fonar

Nite Ize STS Headlamp svetodiod fonarlari yetarlicha yorqin bo‘lish bilan birga, ularni boshingizga taqishingiz va ikkala qo‘lingiz bilan bemalol ta’mirlashni amalga oshirishingiz mumkin.

Mobil aloqa yo‘q joyda ham qo‘ng‘iroq qilish imkoniyatini ta’minlovchi qurilma

SPOT GEN3 GPS Messenger sun’iy yo‘ldosh bilan aloqani ta’minlaydi. Agarda avtomobilingiz mobil aloqa yo‘q joyda o‘chib qolsa, ushbu qurilma sizga yordam beradi.

Shinalarni yamashga mo‘ljallangan qurilma

12 voltli Fix-A-Flat Ultimate qurilmasi zarar yetgan shinani domkratsiz tezda ishirish imkonini beradi. Uni dami chiqib ketgan shinaning shtokiga ulash lozim. Bir necha soniya ichida shinaning ichi kimyoviy germetik vosita bilan to‘lib, ta’mirlash ustaxonasiga yetib olguningizcha harakatlanish imkoniyatini beradi.

Avtomobil xavfsizligini ta’minlaydigan qurilma

Spyderco Assist & Leatherman Z-Rez — ikkita yuqori sifatli qurilmalar bo‘lib, avtomobil eshigi yopilib qolganida, xavfsizlik kamarini kesish lozim bo‘lganida yoki oynani sindirish kerak bo‘lganida foydasi tegadi.

Mustahkam yopishuvchi lenta

Gorilla markasidagi lentalar — keng, suvga chidamli va qo‘shimcha qalin taglikka ega bo‘lib, har qanday yuzani o‘zaro yopishtira oladi.

Birinchi yordam uchun kerak bo‘ladigan anjomlar

Foto: Reviewed Mountain Backpacker Kit

tibbiyot anjomlari birinchi yordam ko‘rsatishda zarur bo‘ladigan vositalarni saqlashga mo‘ljallangan juda qulay sumka.