iOS 11 ning yakuniy talqini taqdim etilishidan uch kun oldin xakerlar internet tarmog‘ida Golden Master talqiniga havola bera boshladi. Bu versiya aksariyat hollarda iOS 11 ning 12-sentabrda taqdim etiladigan yakuniy talqiniga to‘liq mos tushadi. Bundan tashqari, uni ayni vaqtda yuklab olish va o‘rnatish mumkin. Bu haqda “Hi-tech Mail.ru” xabar berdi.
Xabarga ko‘ra, Golden Master iOS 11 ning rasman yakuniy talqini bo‘lishi kutilmoqda. Undagi mayda kamchiliklar keyingi talqinlarda va yangilashlarda tuzatiladi. Yagona cheklov — talqinni hozircha faqat iTunes orqali o‘rnatish mumkin.
iOS 11 ning yakuniy talqini Apple’ning hali e’lon qilinmagan qurilmalariga ham taalluqli bo‘lib, ular qatoriga simsiz Air Pods quloqchinlari, LTE tarmog‘i orqali qo‘ng‘iroqlarni amalga oshirish imkonini beruvchi uchinchi avlod Apple Watch kiradi. Bu gadjetlarning 12-sentabrda iPhone 8 bilan birga taqdim etilishi kutilmoqda.
Izoh (0)