iOS 11 нинг якуний талқини тақдим этилишидан уч кун олдин хакерлар интернет тармоғида Golden Master талқинига ҳавола бера бошлади. Бу версия аксарият ҳолларда iOS 11 нинг 12 сентябрда тақдим этиладиган якуний талқинига тўлиқ мос тушади. Бундан ташқари, уни айни вақтда юклаб олиш ва ўрнатиш мумкин. Бу ҳақда «Hi-tech Mail.ru» хабар берди.
Хабарга кўра, Golden Master iOS 11 нинг расман якуний талқини бўлиши кутилмоқда. Ундаги майда камчиликлар кейинги талқинларда ва янгилашларда тузатилади. Ягона чеклов — талқинни ҳозирча фақат iTunes орқали ўрнатиш мумкин.
iOS 11 нинг якуний талқини Apple’нинг ҳали эълон қилинмаган қурилмаларига ҳам тааллуқли бўлиб, улар қаторига симсиз Air Pods қулоқчинлари, LTE тармоғи орқали қўнғироқларни амалга ошириш имконини берувчи учинчи авлод Apple Watch киради. Бу гаджетларнинг 12 сентябрда iPhone 8 билан бирга тақдим этилиши кутилмоқда.
Изоҳ (0)