Rossiya maxsus xizmatlari 1-sentabrda teraktlar tayyorlagan IShID jangarilari ushlanganini ma’lum qildi. Ikkisi ham — Markaziy Osiyo vakillari

Rossiya Federal xavfsizlik xizmati (FSB) Moskva shahri va viloyatida IShID guruhining ikki a’zosi ushlanganini bildirdi. Ular 1-sentabr kuni jamoat joylarida teraktlar uyushtirishni rejalashtirgani aniqlandi, deb xabar beradi Meduza.

Ushlanganlarning biri IShIDga qasamyod qilishi aks etgan videoni internetga joylashtirgan.

“Shundan so‘ng u sovuq qurol yordamida oddiy fuqarolarga hujum uyushtirishni rejalashtirgan”, — ma’lum qildi FSB jamoatchilik bilan aloqalar markazi.

Ikkinchi gumondor 1-sentabr kuni o‘zini portlatishni rejalashtirgan. Tintuv chog‘ida u uning uyidan kuchli portlovchi uskuna hamda uni tayyorlashda ishlatilgan komponentlar topildi.

Ushlanganlarning ikkisi ham Markaziy Osiyo vakillaridir. Ular aynan qaysi respublikalardan ekanligi hozircha ma’lum qilinmadi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.