Erkak kishi Stokgolm markazidagi Syodermalm tumanida politsiyachilarga hujum qildi. Bu haqda Aftonbladet’ga tayanib, Meduza xabar bermoqda.
Hujum shaharning asosiy maydonlaridan biri — Medboryarplatsenda sodir bo‘ldi. Erkak kishi maydonni patrullayotgan politsiyachilarga orqadan yaqinlashib ulardan birining bo‘yniga pichoq urdi. Ikkinchi politsiyachi hujumchini qo‘lga oldi. Guvohning nashrga ma’lum qilishicha, hujumni sodir etgan erkak 30 yoshlar atrofida bo‘lgan. Hodisaning boshqa tafsilotlari ma’lum emas.
Jabrlangan politsiyachini shifoxonaga olib ketishdi. Hujum sodir bo‘lgan tumanda yer usti jamoat transporti harakati to‘xtatildi, “Medboryarplatsen” metro bekati yopildi, maydonning o‘zi esa o‘rab olindi.
Izoh (0)