Ozarbayjon Mudofaa vazirligi harbiy qismlaridan biridagi qurol-yarog‘ omborida yuz bergan yong‘in va portlash oqibatida olti kishi jabrlandi. Bu haqda mamlakat sog‘liqni saqlash vazirligi matbuot xizmati ma’lum qildi, deb xabar beradi “Kommersant.ru”.
Vazirlikka ko‘ra, barcha yaradorlar Siyozan tumanidagi Tashxis markaziga keltirildi va ularning hayoti xavf ostida emas.
O‘q-dori portlashi oqibatida bir necha snaryad yaqin o‘rtadagi aholi punktlariga quladi. Natijada Xizin va Siyozan tumanlarida bir necha yong‘in o‘chog‘i paydo bo‘ldi.
Hozirda Gilyozi va Sitolchoy qishloqlaridan aholi evakuatsiya qilinmoqda. Shuningdek, yong‘in tufayli Boku — Guba avtomagistrali to‘liq yopib qo‘yildi.
Izoh (0)