Hindistonning Lakhnau shahrida 25—31-iyul kunlari xalqaro matematika musobaqasi bo‘lib o‘tdi. Xalq ta’limi vazirligi axborotiga ko‘ra, unda ishtirok etgan o‘zbekistonlik o‘quvchilar ikkita oltin, ikkita kumush medalni qo‘lga kiritib, umumjamoa hisobida 2-o‘rinni egalladi.
Musobaqada dunyoning 41 ta davlatidan tashrif buyurgan yosh matematikalar ishtirok etdi. Mazkur tanlovda to‘rtinchi marta qatnashayotgan o‘zbekistonliklar ilk bor ikkita oltin medalni qo‘lga kiritishga muvaffaq bo‘ldi.
Buxoro viloyati Qorako‘l tumanidagi 1-sonli ixtisoslashtirilgan davlat umumta’lim maktabining 7-sinf o‘quvchilari Doniyor Ismoilov va Sevaraxon Ostonova individual bahslarda o‘z iqtidorini namoyon etib oltin medalni qo‘ga kiritdi.
Qorako‘ldagi xuddi shu maktabning 7-sinf o‘quvchisi Olimjon Olimov hamda 8-sinf o‘quvchisi Ismoil Po‘latov esa yakkalik bahslarida kumush medalga sazovor bo‘ldi.
Izoh (0)