Samarqand qishloq xo‘jaligi instituti yuristi o‘qishga kiritib qo‘yish va’dasi bilan pora olayotganida qo‘lga tushdi. Bu haqda “Nuz.uz” xabar bermoqda.
Institut rektori Toshtemir Ostonaqulovning so‘zlariga ko‘ra, institut yuristi o‘z xizmat xonasida 10,5 ming dollar miqdorida pora olayotganida qo‘lga olingan.
Samarqanddagi boshqa bir oliygoh — Samarqand davlat arxitektura-qurilish instituti rektori Sulton Ahmedovning ma’lum qilishicha, institut xodimlaridan biri 6 ming dollar evaziga o‘qishga kiritib qo‘yish va’dasi bilan odamlar ishonchiga kirishga uringan va qo‘lga tushgan.
Avvalroq Samarqand davlat universiteti fakultetlaridan birining dekani o‘qishga kiritib qo‘yish va’dasi bilan 23 ming dollar olayotgan vaqtida qo‘lga tushgani haqida xabar berilgan edi.
Izoh (0)