Buxoro shahrida “Kitob olami” majmuasi ish boshladi. O‘zA xabariga ko‘ra, unda Buxoro viloyati hokimi O‘ktam Barnoyev, davlat va jamoat tashkilotlari vakillari, ijodkorlar, noshirlar, yoshlar, OAV xodimlari ishtirok etdi.
"Kitob olami"da O‘zbekiston nashriyotlarida chop etilgan ijtimoiy-siyosiy, ilmiy-ommabop, badiiy kitoblar, darsliklar sotuvi yo‘lga qo‘yilgan, kitobxonlar uchun qator qulayliklar yaratilgan.
Kitoblarni mamlakatimizdagi 118 matbaa korxonasidan shartnoma asosida to‘g‘ridan-to‘g‘ri olamiz. Bu kitobxonlar ehtiyojini o‘z vaqtida ta’minlash, matbaa mahsulotlari narxi oshib ketishining oldini olishga xizmat qiladi.Kitob savdosi loyihasining amalga oshirilishi natijasida 15 yangi ish o‘rni yaratildi.E’zoz Bobomurodov, “Buxoro kitob olami” kompaniyasi rahbari
Yil oxiriga qadar majmuaning yuqori va quyi qavatlarida ikkita kinozal ishga tushirilishi, xizmat faoliyati doirasining kengaytirilishi hisobiga qo‘shimcha 30 yangi ish o‘rni yaratish ko‘zda tutilgan.
Izoh (0)