Xitoylik moda blogeri to‘rt daqiqada 100 ta mashina sotdi

Xitoylik fashion-bloger Beki Li WeChat messenjeri orqali MINI kompaniyasiga yuzta uch eshikli xetchbekni sotishda yordam berdi, deb yozadi “Motor”. Avtomobillarni sotish uchun to‘rt daqiqa talab etildi.

MINI kompaniyasi uch eshikli xetchbekning qora g‘ildirakli va Caribbean Aqua havo rangidagi kuzovli alohida versiyasini ishlab chiqdi. Bunday mashinalardan jami 300 ta ishlab chiqarilgan, shuning uchdan bir qismi — Xitoy bozori uchun.

Har bitta mashinaning narxi — 285 ming yuan (taxminan 42 300 dollar). Beki Lining 3 million obunachilarida avtomobilni bron qilish imkoniyati bor edi. Savdo haqidagi post 9:00 dan e’lon qilingan. To‘rt daqiqadan keyin barcha mashinalar bron qilingan, 50 daqiqadan keyin esa — to‘langan.