Mirobod tuman IIB HPB profilaktika inspektorlari tomonidan jahliga erk bergan zo‘ravon erkak qo‘lga olindi. Bu haqda “Daryo”ga IIV Huquqbuzarliklar profilaktikasi bosh boshqarmasi xabar berdi.
15-iyul kuni soat 19:00 da Mirobod tumani, Munis ko‘chasi, 80-uy oldida Yashnobod tumanida yashovchi Valisher (ismlar shartli) Sirg‘ali tumanida yashovchi Anvar bilan o‘zaro janjalashib, unga tan jarohati yetkazdi. Jabrdiydaga tibbiy yordam ko‘rsatildi.
Mirobod tuman IIB tomonidan zo‘ravonga nisbatan O‘zbekiston Respublikasi JKning 105-moddasi, 1-qismi bilan jinoyat ishi qo‘zg‘atildi.
Hozirda tergov harakatlari davom ettirilmoqda.
Izoh (0)