Turizmni rivojlantirish davlat qo‘mitasi raisi Anvar Sharopov Toshkentda Vengriyaning O‘zbekistondagi elchisi Peter Santo bilan uchrashdi. Bu haqda qo‘mita matbuot xizmati ma’lum qildi.
Uchrashuvda davlatlar o‘rtasida turizm sohasidagi aloqalarni faollashtirish, sayyohlar oqimini ko‘paytirish masalalari muhokama etildi.
Vengriya elchisi O‘zbekistonning turizm salohiyatini yuqori baholadi. Vengriya turoperatorlarining Praga, Vena va Budapesht shaharlariga tashriflarini o‘z ichiga oluvchi kombinatsiyalashgan turlarni tashkil etish tajribasi haqida hikoya qildi va O‘zbekistonda ham shunday turlarni uyushtirishni tavsiya qildi.
Qo‘mita raisi Vengriya vakillarini 3—5-oktabr kunlari Toshkent xalqaro turizm yarmakasi va Hosted Buyer dasturida ishtirok etishga taklif etdi. Ikki mamlakat turoperatorlari o‘rtasida tig‘iz aloqalar o‘rnatish zarurligini ta’kidladi.
Izoh (0)