Rossiya Davlat dumasi uchinchi o‘qishda fuqarolik va xorijiy fuqarolarning huquqiy holati to‘g‘risidagi qonunlarga o‘zgartirishlarni qabul qildi. Bu haqda “Vedomosti” xabar bermoqda.
Dastlab hujjatda faqat terrorizm va ekstremizm uchun jazoga hukm qilingan shaxslarni fuqarolikdan mahrum etish haqida so‘z yuritilgandi, biroq keyinchalik bo‘lajak Rossiya fuqarolari uchun qasamyod va mamlakat fuqaroligini olayotgan ukrainaliklar uchun maxsus imtiyozlar bilan to‘ldirildi.
Qonun loyihasi tayyorlanishiga shu yilning 3-aprel kuni Sankt-Peterburg metrosida sodir etilgan terakt turtki berdi. Uni amalga oshirgan shaxs Rossiya fuqaroligini olgan chet ellik edi.
Qasamyod g‘oyasi prezident Vladimir Putinning Duma raisi Vyacheslav Volodin bilan uchrashuvidan so‘ng loyihaga kiritildi. Bo‘lajak fuqarolar Rossiyaga sodiq bo‘lish, uning qonunlariga rioya etish, madaniyati, tarixi va an’analarini hurmat qilishga qasam ichadi.
Izoh (0)