O‘zbekiston Respublikasidagi yirik telekommunikatsiya operatori — “O‘zbektelekom” aksiyadorlik kompaniyasi 18-iyul, seshanba kuni Aloqa tarixi muzeyida OAV vakillari ishtirokida matbuot anjumani o‘tkazdi.
Anjumanda “O‘zbektelekom” AJ bosh direktori Shuhrat Qodirov, kuni kecha kompaniyaning moliyaviy direktori etib tayinlangan Tolibjon Alimov, tijorat direktori Yevgeniy Vishnevskiy ishtirok etib ommaviy axborot vositalari vakillarining savollariga javob berdi.
Birinchi bo‘lib barchani qiziqtirgan — internet provayderlarining tariflari narxini tushirish uchun qanday amaliy choralar ko‘rilayotgani haqida savol berildi.
O‘tgan yil davomida operator va provayderlar uchun tashqi internet kanallarining tariflari 12 marotaba arzonlashtirildi. Intenet tarifi narxlari so‘nggi yillardan bir necha barobarga arzonlashdi. Biroq provayderlarning o‘ziga yarasha chiqimlari borligi, ishchilar oyliklarining o‘zgarmasligi yoki ortishi hisobiga “O‘zbektelekom” tariflarni arzonlashtirgani bilan foydalanuvchilarga bu u qadar sezilarli bo‘lmaydi. Biroq bir necha yillar oldinga qaraydigan bo‘lsak, hozirgi va avvalgi internet narxlarida katta farq bor. O‘zbekiston keyinchalik tashqi internet kanalidan qisman foydalanishi mumkin, bu esa valyutaning mamlakatda saqlanib qolinishini ta’minlaydi. Masalan, xorijiy davlatlar, Rossiya yoki Qozog‘istonda internet tezligi ancha yuqori, chunki ularda lokal internet, tashqi internet degan tushuncha yo‘q. Ularda faqat internet bor. Biling tizimining yaratilishi esa bozor uchun ham, iste’molchilar uchun ham foyda bo‘ladi.Metropolitenga Wi-Fi o‘rnatilishi haqidagi xabar bo‘yicha berilgan savolga, bosh direktorning shaxsan o‘zi javob qaytardi: “Hozirda bu masala muhokama qilinmoqda. Ushbu yo‘nalishda nimalar qilish lozimligi, moliyaviy va texnik masalalar ko‘rib chiqilmoqda. Bunda ko‘pchilikning roziligini olish kerak bo‘ladi. Agarda ushbu loyiha tasdiqlansa birinchi bo‘lib OAV vakillariga xabar beramiz”, — dedi Shuhrat Qodirov.Yevgeniy Vishnevskiy
“O‘zbektelekom” AKning asosiy maqsadi butun O‘zbekiston hududida, kunning istalgan vaqtida aholi va davlat tizimlari hamda idoralarini eng zamonaviy, sifatli telekommunikatsiya xizmatlari bilan ta’minlash hisoblanadi.
Shuningdek, bosh direktor aksiyadorlik jamiyati qoshida kadrlarni tayyorlash va qayta tayyorlash akademiyasi tashkil etilib, u nafaqat ichki kadrlar bilan, balki qo‘shni mamlakatlarning kadrlarini ham qayta tayyorlash uchun xizmat qilishini ta’kidlab o‘tdi.
Kompaniya aloqa operatorlari tarmoqlariga to‘g‘ridan-to‘g‘ri xalqaro chiqishlarga ega va chet el operatorlariga trafik tranziti bo‘yicha xalqaro operatorlar va kompaniyalar bilan o‘zaro hamkorlik qiladi, deyarli istalgan sig‘imda xalqaro raqamli kanallarni ijaraga beradi.
Ma’lumot uchun: “O‘zbektelekom” AJ O‘zbekiston Respublikasi Birinchi Prezidentining “Telekommunikatsiyalar sohasida boshqaruvni takomillashtirishga doir chora-tadbirlar to‘g‘risida”gi 2000-yil 28-iyun PF-2647 sonli farmoniga muvofiq va O‘zbekiston Rspublikasi Vazirlar Mahkamasining 2000-yil 30-iyundagi 253-sonli “O‘zbektelekom” aksiyadorlik kompaniyasi faoliyatini tashkil qilish masalalari to‘g‘risida”gi Qarori bilan ochiq turdagi aksiyadorlik jamiyati shaklida tashkil etilgan. Kompaniyada 15 035 nafar xodim ishlaydi, ularning 4333 nafari oliy ma’lumotli, 7140 nafari o‘rta-maxsus, 3562 nafari o‘rta ma’lumotlilardir.
Izoh (0)