Avstraliyada tarkibiga xavfsizlik masalalari bilan shug‘ullanuvchi muassasa va xizmatlar kiradigan ichki ishlar vazirligi tashkil etiladi. Bu haqda mamlakat bosh vaziri Malkolm Tyornbull ma’lum qildi, deya xabar beradi “TASS”.
“O‘zgarishlar bosqichma-bosqich amalga oshiriladi. Yangi vazirlikni shakllantirish kelgusi yilning birinchi yarmida yakunlanishi lozim”, — ta’kidladi bosh vazir.
Mahalliy matbuot xavfsizlik supervazirligi deb nomlashga ulgurgan Avstraliya IIV tarkibiga migratsiya va chegara nazorati xizmatlari, federal politsiya, Avstraliya xavfsizlik va razvedka xizmati (ASIO), Milliy moliyaviy razvedka xizmati (AUSTRAC) va boshqa qator huquq-tartibot idoralari kiradi. Mazkur idoralar o‘z tizimlarini saqlab qoladi, vazir esa asosan ularning faoliyatini muvofiqlashtiruvchi vazifasini bajaradi.
Yangi vazirlikni boshqarish immigratsiya va chegaralarni qo‘riqlash vaziri Piter Dattonga topshirilishi kutilmoqda.
Izoh (0)